(1-1-1991 నాడు క్రైస్తవ మిత్రులను అభినందిస్తూ వ్రాసిన ఖండిక)
1. ఉ|| ఏసుని దివ్య బోధలవి బైబిలు గ్రంథ సువార్త యుక్తమై
శాసన ధర్మ కర్మ యనుశాసిక-శుద్ధపరాత్మ-దైవమా
వాసము చర్చియందు పరిభాషల నూతన వత్సరంబునన్
భాసిత దేవ-హే-ప్రభువ భావితరాలను బ్రోవుమియ్యడన్ ||
2. ఉ|| దేవుని బిడ్డలన్ కరుణ దీరున కావలి గాయు వానిగా
సేవల దప్పిగొన్న నిజసేవకు నార్తిని బాపు-యెహోవ-నీ
భావనలో మదీయ తను భారము పాపపు చేతలన్నియున్
గావుమ రక్షకుండవయి ‘కారణ జన్ముడ-మేరి పుత్రుడా’ ||
3.ఉ|| ఎవ్వని చేత యూదులకు నేర్పడె తియ్యని ప్రేమతత్వమున్
ఎవ్వని దివ్య నామమది యేలె ప్రపంచము నంత భవ్యమై
ఎవ్వని బోధనామౄతము ఎంచగ సత్యమొ నిత్య కౄత్యమో
ఇవ్వని చర్చిలో గనుడు ఏసుని భక్తి ప్రపత్తి మీరగా ||
